گايپ خبر: قيرغيزيستان عوصيان و اينقيلابين آرديندان يارالاريني موعاليجه ائتمه يه چاليشير. قارشيدورمالاردا اؤلن 78 آدامين 16 سي اوچون توپلو جنازه مراسيمي تشکيل ائديلدي.

گايپ خبر مرکزي نين الده ائتديگي معلوماتا گؤره، بيشکئکين خاريجينده تشکيل ائديلن جنازه يه 3 مين آدام قاتيلدي. تورپاغا وئريلن 16 آدامين ياخينلاري نين يانيندا، کئچيجي حؤکومت صلاحيتليلري ده جنازه ده ايدي.

کئچيجي حؤکومتين باشچيسي رزا اوتونبايئوا، عاييله لره "7 آپرئلده اؤلنلر، قيرغيزيستانين قهرمانلاريدير. عدالتي يئرينه يئتيره جگيک" دئيه سسلندي.

7 آپرئلده بيشکئکه سيچرايان عوصيان اسناسيندا، اوردو نوماييشچيلرين اوزرينه آتش آچميش، 78 آدام حياتيني ايتيرميشدي.

کئچيجي حؤکومتين باش پروکورورو، ور امريني وئرديکلري گوناهلانديرماسييلا آشميش ليدئر باکييئوين اوغولو ماکسيم ايله قارداشلاري ژانيبئک و ماراتا داوا آچدي.

رزا اوتونبايئوا ايسه، ايستئفا وئرميه جگيني سؤيله ين آشميش ليدئر باکييئوه سسلندي. "اؤلکه ني ترک ائتسه، قيرغيز تورپاقلاريندان اعتيبارلي کئچيشي تمين ائديله جک" دئدي.

ياغما حاديثه لري نين ايداره آلتينا آلينماسي سونراسي بيشکئکده حيات ياواش ياواش نورمالا دؤنور. بعضي دوکانلار فعاليته کئچدي.