گايپ خبر: نووه تهلوکه سيزليک زيروه سينه قاتيلماق اوزره آبش آ گئدن تورکييه باش نازيري رجب طيب اردوغانين، ائرمنيستان پرئزيدئنتي سئرژ سارکيسيان ايله اولان گؤروشمه سي قاباغا ساليندي. اردوغانين بو گون تبريز واقتي ايله 18:00-19:30 آراسيندا کونقرئس مرکزينده سارکيسيان ايله بير يئره گلمه سي گؤزله نيلير.

گايپ خبر مرکزي نين الده ائتديگي معلوماتا گؤره، گؤروشمه يه آبش باشچيسي اوبامانين دا قاتيلا بيله جگي ايفاده ائديلير.

ائرمنيستان رئسپوبليکا باشچيسي سارکيسيان ايسه آرمئنيا توداي ه زيارت اولينده وئرديگي خوصوصي بيلديريشده، "تورکييه مؤوزوسوندا قرارلاريني وئرديکلريني آنجاق قرارين نه اولدوغونو زاماني گلينجه آچيقلاياجاقلاريني" سؤيله دي.

سارکيسيان، واشينقتون زيارتييله علاقه دار اولاراق دا "بو چوخ اهميتلي بير گزينتي دير، بورادا موختليف گؤروشمه لر اولاجاق" دئيه دانيشدي.

ائرمني لوببيسي سارکيسيانين اوبامايا تزييق گؤسترمه سيني ايسته يير

بو واخت، آبشدا فعاليت گؤسترن ائرمني قورولوشلاري، ائرمنيستان پرئزيدئنتي سئرژ سارکيسيانا خطاب اولاراق آچيق مکتوب اونوانلاياراق، 1915 حاديثه لرينه باغلي ائرمني ايديعالاري نين قبول ائديلمه سي اوچون آبش باشچيسي باراک اوبامايا تزييق ائتمه سيني ايسته دي.

ائرمنيستانين نیوز.آم سايتينداکي خبرده، آمئريکا ائرمنيلري ميللي کوميته سي نين، اونوانلاديغي مکتوبدا سارکيسياندان، تورکييه نين، تورکييه-ائرمنيستان علاقه لري نين نورماللاشماسي مودتيني ايستيفاده ائده رک، ائرمني ايديعالاري نين بين الخالق سويييه ده تانينماسيني مانعه تؤرتمه سيلريني يوخ ائتمه سيني ايسته ديگي ايفاده ائديلدي.

ائرمنيستان پرئزيدئنتي نين، اوباما و ديگر اؤلکه ليدئرلرينه 1915 حاديثه لري ايله باغلي ائرمني ايديعالاري نين قبول ائديلمه سي اوچون چاغيريشدا اولماسيني طلب ائدن ائرمني قورولوشلاري، سارکيسياني، هر نه سببله اولورسا اولسون، 1915 حاديثه لريني آراشديرماق اوچون تاريخ کوميسسيياسي نين قورولماسي تکليفيني قبول ائتمه مه يه چاغيردي.

آبشداکي ائرمني لوببيسي، مکتوبوندا سارکيسياندان، تورکييه-ائرمنيستان آراسينداکي علاقه لرين نورماللاشما مودتي نين تورکييه نين قورولوشچو اولمايان توتومو سببييله آرتيق داوام ائديله بيلميه جک وضعيته گلديگيني ائلان ائتمه سيني ايسته دي.