Medresenin Birinci Günü,
Oğuz Türk
Medresenin birinci günü her medreseye giden uşağın ve ata-ananın yaşamında sevincli bir gün olmalıdır. Ancaq, İran adlanan memleketde böyle değildir. İran’da yaşayan ve Fars olmayan çoxunluğa göre medreselerin birinci günü dilsel ve kültürel olaraq bir soyqırım günüdür. Bütün öğretimle ilgili yazılan tehmili Fars dilindedir ve merkezi hükümetin Fars-Şii filterinden geçmişdir. Fars olmayan bütün diller ögretim yerlerinde yasaqlanıb qedeğen olub, tehqir olunmuşdur.
Medresenin birinci günü Fars olmamağın, Türk olmağın, Türkmen olmağın, Arab olmağın, Beluç olmağın cezalanma günüdür. Fars olmayan her kes Fars-Şii ve Apartayd rejimin eli ile ezilib gitmekdedir. Medresenin birinci günü Fars olmayan her kes üçün bir eza ve yas günüdür.
Biz İran’ın terorist rejiminin çoxunluqda olan Fars olmayan milletleri qesden ve sistematik olaraq Farslaşdaşdırmaq çabalarını şiddetle qınıyıb mehkum edirik. Biz İran’ın ırqçı ve faşist siyasetlerini şiddetle qınıyıb mehkum edirik. Biz Güney Azerbaycan Türk’leri, medresenin birinci gününü, daha çox Farslaşmanın ve daha çox Türksüzleşmenin ve öz dilimizden, kültürümüzden, ve tariximizden yabancılaşmanın simbolik günü olaraq bilirik.
Miletimize yabancı olan Fras dilini zor işlederek Azerbaycan Türk evladlarına tehmil edilmesine derhal son verilmelidir.
Oğuz Türk
مدرسه‌نین بیرینجی گونو
مدرسه‌نین بیرینجی گونو هر مدرسه‌یه گئده‌ن اوشاقین و آتا آنانین یاشامیندا سئوینجلی بیر گون اولمالیدیر. آنجاق، ایران آدلانان مملکت‌ده بئله دئییلدیر. ایراندا یاشایان و فارس اولمایان چوخونلوقا گوره مدرسه‌لرین بیرینجی گونو دیل‌سه‌ل و کولتوره‌ل اولاراق بیر سوی‌قیریم گونودور.
بوتون اویره‌تیمله ایلگیلی یازیلان تحمیلی فارس-شیعی فیلترینده‌ن گئچمیشدیر. فارس اولمایان بوتون دیللر اویره‌تیم یئرلرینده یاساقلانیب قده‌غه‌ن اولوب، تحقیر اولونموشدور.
مدرسه‌نین بیرینجی گونو فارس اولماماغین، تورک اولماغین، تورکمن اولماغین، عرب اولماغین، بلوچ اولماغین جزالانما گونودور. فارس اولمایان هر کس فارس-شیعی و آپارتاید رئژیمین الی ایله ازیلیب گئتمه‌کده‌دیر. مدرسه‌نین بیرینجی گونو فارس اولمایان هر کس اوچون بیر عزا و یاس گونودور.
بیز ایرانین تئروریست رئژیمینین چوخونلوقدا اولان فارس اولمایان میللتله‌ری قصدن و سیستماتیک اولاراق فارسلاشدیرماق چابالارینی شددتله قیناییب محکوم ائدیریک. بیز ایرانین ایرقچی و فاشیست سیاستلرینی قیناییب محکوم ائدیریک. بیز گونئی آزربایجان تورکلری، مدرسه‌نین بیرینجی گونونو، داها چوخ فارسلاشمانین و داها چوخ تورکسوزله‌شمنین و اوز دیلیمیزدن، کولتوروموزدن، و تاریخیمیزدن یابانجیلاشمانین سمبولیک گونو اولاراق بیلیریک.
میللتیمیزه یابانجی اولان فارس دیلینی زور ایشله‌درک آزربایجان تودک ائولادلارینا تحمیل ائدیلمه‌سینه درحال سون وئریلمه‌لیدیر.
اوغوز تورک
