بیاناتلار

“قوتسال وطن موحاربه‌سینده یئر آلماغیمیزا شرایط یاراتماغینیزی خواهش ائدیریک”

30 ایله یاخیندیر ارمنی ایشقالی آلتیندا اولان تورپاقلاریمیزین یاغی دوشمان تاپداغیندان قورتاریلماسی اوغروندا کوماندانلیق ائتدییینیز قوتسال وطن محاربه‌سی آرتیق ایکینجی آیینا داخل اولموشدور.

آزربایجان پریزیدنتینه مراجعت

جناب عالی باش کوماندان !

30 ایله یاخیندیر ارمنی ایشقالی آلتیندا اولان تورپاقلاریمیزین یاغی دوشمان تاپداغیندان قورتاریلماسی اوغروندا کوماندانلیق ائتدییینیز قوتسال وطن محاربه‌سی آرتیق ایکینجی آیینا داخل اولموشدور. اؤته‌ن بیر آی عرضینده شانلی اوردوموزون الده ائتدییی ظفرلر، سادجه آزربایجان وطنداشلارینین دئییل، همده گونئی آزربایجان‌دا و آزربایجان حدودلاریندان کناردا یاشایان 50 میلیوندان آرتیق سویداشیمیزین کؤکسونو قابارتمیشدیر. اؤته‌ن بیر آیدا قهرمان اوردوموزون دؤیوش صحنه‌سینده گؤسته‌ردییی رشادت، شجاعت و یوکسه‌ک دؤیوش قابلیتی ایله یاناشی، شانلی اوردوموزون و اوجا میللتیمیزی تمثیله‌ن سیزین آزربایجان رسپوبلیکاسینین پرزیدنتی، سلاحلی قووه‌لرین عالی باش کوماندانی کیمی سرگیله‌دییینیز یوکسه‌ک اراده، قرارلیلیق و بؤیوک لیدرلیک اؤرنه‌یی 50 میلیوندان آرتیق آزربایجان تورکونون تک یومروق اولاراق آزربایجان دولتی اطرافیندا بیرله‌شمه‌سینی ساغلامیشدیر.

شبهه‌سیز کی، شانلی اوردوموزون بیر آی کیمی قیسا بیر زامان دیلیمینده چالدیغی بؤیوک ظفرلر ارمنی یانلیسی قووه‌لری و دولت‌لری بؤیوک تشویشه سالمیش اولاجاق کی، آزربایجان خالقینین نهایی غلبه‌یه دوغرو یورویوشونون قارشیسینی آلماق اوچون، سون گونلرده آزربایجانا قارشی باسقی و تضییق‌لرینی آرتیرمیشلار.

جناب پریزیدنت!
امین‌کی، بوتون بو تضییق و حتی تهدیدلر قارشیسیندا سیزین سرگیله‌دییینیز قرارلیلیق و دیک دوروش نهایی غلبه‌میزین رمزی اولاجاقدیر.

حورمتلی عالی باش کوماندان!
وطنیمیزین هر بیر قاریش تورپاقینین هر بیر آزربایجانلی اوچون مقدس اولدوغو کیمی، قورتاریلماسی اوغروندا آپاریلان ساواش‌دا قوتسالدیر. بو قوتسال ساواشدا سیزین امرینیزده، سیزینله چییین-چییینه یئر آلماق قوزئیلی-گونئیلی هر بیر آزربایجان اولادینین بورجو، ائله‌جه‌ده حاققی‌دیر. بو دیلینجه، اوتایلی-بوتایلی بوتون آزربایجانین اوره‌یینین قاراباغیمیز دؤیوندویو بو گونلرده بیز گونئی آزربایجان‌دان اولان بیر قوروپ میللی فعال سیزه مراجعت ائده‌رک، قوتسال وطن محاربه‌سینده گونئی‌لی سویداشلارینیزین دا یئر آلماسینا شرایط یاراتماغینیزی خواهش ائدیریک. امین اولون کی، بو یولدا آصلا یالنیز دئیلسینیز.

حورمتله:

1- بؤیوک رسول‌وند – نروژ
2- احمد امید یزدانی – آلمان
3- ماشالله رزمی- فرانسه
4- بابک آزاد- سوئد
5- صالح ایلدیریم- کانادا
6-محمدرضا خشتی- آمریکا
7- رحیم شهبازی- آمریکا
8-ائلدار قاراداغلی- سوئد
9-آذر فرخی- سوئد
10- اژدر تقی‌زاده- سوئد
11-آتیلا بوزقورد- تورکیه
12-محمد آذر‌ سایین قالا- سوئد
13-ستار سئوگین سایین قالا- سوئد
14-عبدلله امیر هاشمی جوانشیر- سوئد
15-سریه اردبیلی- سوئد
16-جواد درختی- سوئد
17-احمد اوبالی- سوئد
18-جبار سیدزاده- ستار اوغلو- سوئد
19-صالح کامرانی- سوئد
20- یاشار آذر- نروژ
21- هاکان تورک ائللی- کانادا
22- اوغوز تورک- کانادا
23- شاهرخ مظهری- اینگلیس
24- فریدون پرویز- آلمان
25- نورالدین غروی- آلمان
26- ایشیق سؤنمز- آلمان
27- آتابه‌ی نجف‌پور- نروژ
28- اسد صادق- سوئد
29- چنگیز گؤی‌تورک- فنلاند

Show More

Related Articles

Back to top button